Тимур Турловтың өмірбаяны

2024 жылға қарай өзінің тарихын шағын брокерлік компаниядан бастаған Freedom Holding Corp. 21 елде өкілдіктері бар халықаралық финтех-экожүйеге айналды.

1. Freedom Bank (бұрынғы Kassa Nova Bank) — цифрлық банк және холдинг экожүйесінің негізгі элементтерінің бірі. Ол Қазақстандағы ірі банк ұйымдарының қатарына кіреді. 2025 жылдың қорытындысы бойынша оның SuperApp қосымшасы елдегі ең көп жүктелген қаржылық қосымшаға айналды, ал пайдаланушылар саны 6 миллионнан асты. 2025 жылы Тәжікстанда толық цифрлық еншілес банк өз жұмысын бастады. 2026 жылы Freedom Holding Turkish Bank-ті сатып алғанын, сондай-ақ Грузия мен Еуропаның банк нарықтарына шығатынын жариялады.
2. Freedom Broker Қазақстан нарығына (KASE және AIX) және халықаралық биржалардағы саудаға (NYSE, NASDAQ, London Stock Exchange, HKEX, Frankfurt Stock Exchange) шығуға мүмкіндік береді, Астана халықаралық қаржы орталығы аясында ағылшын құқығы нормаларына сәйкес жұмыс істейді. 2026 жылдың қорытындысы бойынша клиенттік шоттардың жалпы саны 350 мыңнан асты, ал жылдық сауда айналымы $98 млрд-қа жетті. 2025 жылдың қорытындысы бойынша компанияның пайдасы 157 миллион доллар болды.
3. Freedom 24 — топтың еуропалық бөлімшесі. Клиенттік шоттар саны 440 мыңнан асады, активтері 11 миллиард доллардан жоғары және 1 миллионнан астам сауда құралдарына шығуға мүмкіндік береді. Бас кеңсесі Лимасол қаласында орналасқан. Кеңселері Еуропаның оннан астам елінде жұмыс істейді. 2025 жылдың қорытындысы бойынша компания 252,7 миллион доллар пайда тапты.
4. Tradernet — Freedom компаниялар тобының әртүрлі юрисдикциялардағы бірнеше брокерін біріктіретін жеке сауда платформасы. 19 тілде жұмыс істейді және пайдаланушыларға күн сайын мыңдаған сауда құралдарына — акциялар, облигациялар, опциондар және криптовалюталарға — қол жеткізуге мүмкіндік береді, сондай-ақ сапалы талдау материалдарын, инвестициялық идеяларды және тәулік бойы негізгі іскерлік жаңалықтар легін ұсынады.
5. Freedom Pay — бизнеске арналған халықаралық төлем сервисі. Клиенттерге сатылымдарды арттыруға және клиенттік тәжірибені жақсартуға көмектесетін ыңғайлы әрі сенімді төлем шешімдерін ұсынады.
6. Freedom Life және Freedom Insurance — Қазақстан бойынша 4 млн клиенті бар және сақтандыру шартын онлайн рәсімдеуге мүмкіндік беретін экожүйе сақтандыру компаниялары. Елдің сақтандыру нарығындағы көшбасшылар қатарында. Ең танымал өнімдердің бірі — жинақтаушы өмірді сақтандыру (ЖӨС). Автосақтандырумен айналысатын Freedom Finance Insurance DTP.kz онлайн төлем жүйесін және сақтандыру скорингі қолданылатын КАСКО өнімін дамытып жатыр.
7. Freedom Telecom — кең жолақты интернетке қолжетімділік пен елдің барлық ірі қалаларында ашық Wi Fi ұсынатын телекоммуникациялық компания. 2026 жылдың басында компания Nokia-мен стратегиялық әріптестік орнатқанын және Калифорнияда бірлескен инновациялық зертхана іске қосылғанын жариялады. Холдингтің есептеу инфрақұрылымын дамытуға қатысады.
8. Freedom Ticketon — Қазақстандағы ең ірі билет ритейлері. Орталық Азияның төрт елінде жұмыс істейді, ал белсенді пайдаланушылардың жалпы саны 2,5 миллионнан асады.
9. Freedom Lifestyle тұтынушыларға арналған сервистерді біріктіреді: Arbuz онлайн-супермаркеті, мейрамханалардан тағам жеткізу қызметі, электроника сататын Freedom Mobile желісі, автожүргізушілерге арналған қызметтері бар Freedom Drive онлайн-дүкені, персонал жалдауға арналған Naimi.kz сервисі, Freedom Media медиаплатформасы, Freedom Travel саяхат сервисі және MedTech жобалары.

Freedom экожүйесінің қызметі мен өнімдерімен 11 миллионнан астам адам айналысады.

Freedom Holding Corp. компаниясының NASDAQ биржасындағы капитализациясы 9 миллиард доллардан асады. Тимур Турлов — компанияның мажоритарлық акционері, ол акциялардың 71 пайызына иелік етеді. 2026 қаржы жылының ІІІ тоқсанының соңындағы жағдай бойынша Freedom Holding Corp.-тың жиынтық активтері 12,38 миллиард долларды құрады, бұл алдыңғы қаржы жылының соңындағы көрсеткіштен (9,9 миллиард доллар) 25 пайызға жоғары.

2026 жылдың наурызында S&P Global Ratings Freedom Holding Corp. компаниясының ұзақ мерзімді кредиттік рейтингін тұрақты болжаммен B- деңгейінде растады. Агенттік сондай-ақ холдингтің еншілес компанияларының рейтингтерін: «Фридом Финанс» АҚ, Freedom Finance Europe Ltd., Freedom Finance Global PLC және «Freedom Bank Казахстан» — B+/B деңгейінде, оң болжаммен растады.

Freedom Holding Corp. The Motley Fool-дың Moneyball инвестициялық портфеліне енгізілген, Russell 3000 индексінің құрамына кіреді, ал ірі институционалдық инвесторлары қатарында BlackRock, Morgan Stanley және J.P. Morgan бар.

Freedom Holding Corp. АҚШ-тың Бағалы қағаздар және биржалар жөніндегі комиссиясы (SEC), Кипрдің Бағалы қағаздар және биржалар жөніндегі комиссиясы (CySEC), АХҚО-дағы Қаржылық қызметтерді реттеу жөніндегі тәуелсіз орган (AFSA), сондай-ақ қызмет жүргізетін елдердегі ұлттық реттеушілер тарапынан реттеледі.

Топтың 21 елде өкілдіктері бар, олардың қатарында АҚШ, Қазақстан, БАӘ, Германия, Франция, Испания, Өзбекстан, Армения, Греция, Ұлыбритания және Кипр бар.

2020 жылы Тимур Турлов АҚШ-тың Бағалы қағаздар және биржалар жөніндегі комиссиясында (SEC) тіркелген және Нью-Йорк қор биржасының (NYSE), сондай-ақ NASDAQ, FINRA және SIPC ұйымдарының мүшесі болып табылатын америкалық Prime Executions Inc. брокерлік-дилерлік компаниясын сатып алды.

2021 жылы Freedom Holding Corp. құрамына кіретін кипрлік Freedom Finance Europe Ltd. компаниясы бағалы қағаздардың жетекші халықаралық орталық депозитарийі Euroclear-ге тікелей мүшелікке ие болды.

2022 жылдың қаңтарында Prime Executions америкалық FINRA реттеушісінен капитал нарықтарында қызмет жүргізуге, инвестициялық банкинг саласында жұмыс істеуге және андеррайтинг қызметін жүзеге асыруға лицензия алды.

2023 жылы Prime Executions құрамына кіретін Freedom Capital Markets бөлімшесі технологиялық компанияларды америкалық биржаларға IPO және SPO ұйымдастырушысы мәртебесінде шығаруды бастады.

2023 жылдың наурызында Freedom Holding Corp. америкалық шағын капитализациялы компанияларға арналған LD Micro конференциялық платформасын сатып алу жөніндегі мәмілені аяқтады.

2024 жылы холдинг Freedom атты өз валютасын іске қосты — бұл кэшбэк теңгемен есептелетін және холдингтің өз акцияларына байланған ETN-ге негізделген бонустық бағдарлама.

2025 жылдың қарашасында Freedom Holding Corp., NVIDIA және Қазақстанның Жасанды интеллект және цифрлық даму министрлігі қуаты 100 МВт және құны 2 миллиард доллар болатын дербес жасанды интеллект орталығын құру туралы келісімге қол қойды. Сол кезеңде OpenAI компаниясымен елдің 165 мың мұғаліміне ChatGPT Edu платформасын пайдалануға мүмкіндік беру жөнінде де келісім жасалды.

2023 жылдың қаңтарынан бері Тимур Турлов Қазақстан шахмат федерациясын басқарады. Үш жыл ішінде Freedom Holding Corp. Қазақстанда шахматты дамытуға шамамен 30 миллион доллар бағыттады. Тек 2025 жылдың өзінде холдинг Freedom Holding, Freedom Broker және «Freedom Шапағат» қоры арқылы 11,2 миллион доллар бөлді. Бұл инвестициялар Қазақстан құрамасының нәтижесіне әсер етті: 2023 жылы төрт қазақстандық шахматшы әлем чемпионы атанса, 2024 жылы — алты, ал 2025 жылы юниорлар және кадеттер санатында он төрт спортшы әлем чемпионы болды.

2023 жылдан бастап Тимур Турлов Қазақстанда QJ League жасөспірімдер футбол лигасын іске қосу бастамашыларының бірі болып табылады және лиганың қамқоршылар кеңесінің төрағасы қызметін атқарады. Сондай-ақ, Тимур Турлов Қазақстан футбол федерациясы атқару комитетінің мүшесі болып табылады.

Freedom Holding Corp. Қазақстандағы Аралды құтқару халықаралық қорымен (АҚХҚ) тығыз жұмыс жүргізеді. 2023 жылы Тимур Турлов пен Freedom Holding Corp. USAID-пен бірлесіп, Арал экожүйесін қалпына келтіру мақсатында 150 гектар аумақта қара сексеуілді пилоттық отырғызу жобасын қолдады.
2024 жылдың ақпанында Freedom Bank Araldy Saqta төлем депозит картасын іске қосты, оның жоғары кэшбэкі автоматты түрде қорға аударылатын болады.

Сондай-ақ, Тимур Турлов QALAM мультимедиялық жобасын іске қосты — бұл Қазақстан мен Орталық Азия тарихына кең ауқымда қол жеткізу мүмкіндігін ұсынатын тарихи-білім беру онлайн-платформа.

Сондай-ақ Тимур Турлов Қазақстан мен Орталық Азия тарихын кеңінен таныстыратын тарихи-ағартушылық онлайн-платформа — QALAM мультимедиялық жобасын іске қосты.

2023 жылдың соңында Freedom Holding Corp. тұрақты даму жөніндегі алғашқы есебін жариялады. ESG қағидаттары компанияның экологияға деген жауапкершілігін, қызметкерлер мен клиенттерге ұқыпты қарым-қатынасын, ашық әрі әділ жұмыс жүргізуін және қайырымдылық бастамаларға қатысуын қамтиды.

2023 жылдың тамызында холдингтің тұрақты даму бағытындағы қайырымдылық және демеушілік қызметін орталықтандырылған түрде жүзеге асыратын «Freedom Шапағат» корпоративтік қоры құрылды. 2024 жылдың көктемінде Тимур Турлов пен қор экологиялық мәдениетті қалыптастыруға бағытталған жобаны іске қосты. Пластик пен алюминий ыдыстарын қабылдап, қайта өңдеуге арналған фандоматтар желісі (жоба Алматы мен Астанада дамып жатыр) ашылды.

2024 жылдың мамырында Тимур Турлов Орталық Азиядағы БҰҰ-ның Жаһандық келісімі Консультативтік комитетінің төрағасы қызметіне кірісті. Бұл комитет су ресурстары, экология, аштық пен кедейлік, инфрақұрылым, энергетикалық және азық-түлік қауіпсіздігі сияқты трансшекаралық мәселелерді тиімді шешу үшін құрылған.

Жалпы алғанда, Freedom Holding Corp. Қазақстандағы әртүрлі қайырымдылық жобаларға 100 миллиард теңгеден астам қаражат жұмсады.

Тимур Турлов үйленген, алты баланы тәрбиелеп отыр. Отбасымен бірге Алматы қаласында тұрады.

Бос уақытында Турлов балаларымен шахмат ойнайды, фантастика жанрындағы кітаптарды оқиды, жаяу серуендеп, велоспортпен айналысады.