«Freedom Bank қазақстандықтарға $1,2 млрд ипотека берді» — дейді Турлов

Freedom Bank цифрлық ипотека іске қосылғаннан бергі төрт жыл ішінде қазақстандықтарға жалпы сомасы $1,2 млрд құрайтын 33,5 мың несие берді, деп хабарлады үкімет отырысында Freedom Holding Corp. негізін қалаушы және CEO Тимур Турлов.

«Біздің өнім – цифрлық ипотека – тұрғын үй несиесін банкке бармай-ақ ресімдеуге мүмкіндік береді. Өтінімді толтырудан бастап шартқа қол қоюға дейінгі барлық кезеңдер қашықтықтан өтеді. 34 мемлекеттік деректер базасымен интеграциялану, көптеген процестерді автоматтандыру және қарыз алушының деректерін талдайтын және қысқа мерзімде шешім қабылдайтын жасанды интеллект арқасында біз ипотеканы беру процесін 14 күннен 24 сағатқа дейін жеделдете алдық. Біз шамамен 2 млн өтінім алдық, әр сағат сайын 40-тан астам өтінім түседі. Барлығы $1,2 млрд-қа 33,5 мың несие берілді», — деп атап өтті Турлов.

Ол процестерді цифрландырудың арқасында қол жеткізілген өтінімдерді өңдеу құнының төмендеуіне ерекше назар аударды. Қазір бұл көрсеткіш Freedom Bank үшін $220 шамасында, ал АҚШ-та $10,5 мыңға дейін жетеді.

Freedom Bank 2021 жылдың жазында цифрлық ипотеканы іске қосты. Ол Қазақстанда осындай өнімді ұсынушы алғашқы банк. Клиент жеке кабинетіне қажетті құжаттарды жүктеу үшін тек қана нотариусқа баруы қажет.

Сондай-ақ, Турлов премьер-министр Олжас Бектеновке және үкімет мүшелеріне Freedom Bank клиенттеріне онлайн қолжетімді кредиттердің басқа да түрлері туралы айтып берді. Олардың ішінде автокредит, ЖШС мен ЖК үшін несиелер бар. Автокредит беру бұрынғы жеті күннің орнына 12 сағатты алады. Өнімді 21 мың қазақстандық пайдаланды, ал берілген қаражаттың жалпы сомасы 366 млрд теңгеден асты.

«Барлығы 1 миллионнан астам өтінім келіп түсті, әр сағат сайын — 51. Бұл бізде цифрлық автосақтандырудың және сақтандыру алаяқтығына қарсы күрестің жақсы ұйымдастырылған жүйесінің болмауынсыз мүмкін болмайтын процесс», — деп атап өтті Турлов.

Банк басшысы ЖШС үшін цифрлық несиені ұйымның негізгі өнімдерінің бірі деп атады. Цифрландыру есебінен процесс бір күнге созылады, ең жылдам орындалғаны —12 минут. Қарыздың ең көп сомасы —100 млн теңге, мерзімі — үш айдан 12 айға дейін.

Жеке кәсіпкерлер бір тәулікке несие ала алады. Freedom Bank ДК-дан 860 мыңнан астам өтінім алды, оның 30 мыңына жалпы сомасы $443 млн доллардан астам қаржы мақұлданды.

«Шын мәнісінде бұл да бірегей үдеріс, өйткені әлемде шағын кәсіпкерлерді несиелеу өте үлкен проблема болып саналады, ол банктер үшін өте қымбат, сондықтан банктер мұны қатты ұнатпайды. Біздің елде бұл мәселе әлемнің басқа жерлеріне қарағанда алға жылжуы мүмкін. Негізгі стоп-фактор, атап айтқанда, біздің банк үшін көбінесе ресурстардың жоқтығы болып табылады, өйткені конвейердің әлеуеті біздің ақша қаражатын ұсыну мүмкіндігімізден айтарлықтай асып түседі», — деп түйіндеді Freedom Holding Corp негізін қалаушысы.