Freedom Holding Corp. NASDAQ листингінің 5 жылдығын рекордтық өсіммен және жаһандық кеңеюімен атап өтуде

Америкалық холдингтік компания Freedom Holding Corp. биылғы жылдың қазанында өзінің NASDAQ-тағы бес жылдық мерейтойын атап өтті.
Компанияның негізін қалаушы және бас директоры Тимур Тұрловтың айтуынша, компанияның табысын жергілікті және жаһандық инвесторлардың мүдделерін сақтай отырып, сауатты іске асырылған өсу стратегиясы қамтамасыз етті.
2019 жылы NASDAQ биржасына шыққан сәттен бастап Freedom Holding Corp. халықаралық нарыққа қатысуын кеңейтті және өзінің нарықтық капиталдануын едәуір ұлғайтты. Бес жыл ішінде ол 2019 жылғы 801,7 млн доллардан 2024 жылы
6 млрд долларға дейін өсті, осы уақыт ішінде өсім 648% құрады.
2024 жылы холдинг 1,6 млрд доллар көлемінде рекордтық табыс көрсетті, таза пайда 82% -ға 375 млн долларға дейін өсті, активтер 63% -ға ұлғайып, 8,3 млрд долларды құрады.
S&P рейтингілік агенттігі Freedom холдингі мен оның еншілес компанияларының рейтингтері бойынша болжамын арттырып, жоғары қаржылық көрсеткіштерді және қаржылық ахуалдың тұрақтылығына және Қазақстандағы реттеудің жақсаруына сенімді екенін атап өтті.
Халықаралық экспансия да табыстың негізгі факторына айналды, әрі компания өзінің экспансиясын кеңейтуде. Қазіргі уақытта Freedom Holding Қазақстан, АҚШ, Кипр, Польша және Өзбекстанды қоса алғанда, 22 елде жұмыс істейді. Холдингтің еуропалық брокерлік бөлімшесінде қазірдің өзінде 300 000 астам клиент бар.
Ал Қазақстанда Freedom Holding Corp. клиенттердің күнделікті өмірін жақсартуға арналған қаржылық және lifestyle-қызметтердің кең спектрін ұсынады. Турловтың айтуынша, бұл модель бүкіл әлемге таралуы мүмкін.
Freedom Holding сондай-ақ корпоративтік әлеуметтік жауапкершілікті ұстанады және Турлов Орталық Азиядағы білім беру, жастар спорты және экологиялық жобаларды қолдауға бағытталған бастамаларды басқаруды жалғастырады. Жақында бизнесмен БҰҰ-ның Орталық Азиядағы Жаһандық шарт консультативтік комитетінің төрағасы болып тағайындалды.